آته لقبی: عزت الله ذکی دهقان اوغلی

"آته" لقبی و اونینگ تیلده کی اورنی

آته کوپ کیشی دن مسوول بولگن، اوینی اداره قیله دیگن، اوتوریته و کوچگه ایگه بولگن، اوزیگه ایشانیلگن و اونگه بشقه لر تیه نگن کیشی دور.

آته لیک لقبی اونده ی کیشی لرگه یره شه دی کیم اوشل کیشی گه شول صفتلر نی بولیشی کیرک: آته دیگن کیشی کوچگه، اوزایرک لیککه، صداقتگه، عزت، غیرت و اعتبارگه ایگه بولیشی کیرک. غیرتی بولمگن کیشی آته بوله آلمس، اویینی و عایله سی نی اسره آلمس.

آته لقبی اول کیشیگه مناسب کیلور که جدی بیر صمیمیت گه ایگه بولیشی کیرکه اونی بشقه لر آته دیسین.

قیشلاق لرده هرکیشی نینگ ایشانگنی، هرکیشی نی مادی احتیاج لرینی کیتقزه دیگن کیشی لرگه آته دییله دی.

"غریب غربا نی آته سی"

دیگن بیر سوزهم بار. بو اوشنده ی کیشی لرگه اته له دی که اول کیشی دن هیچ کیم قورقمه یدی، اونگه درد دلی نی آیته آله دی. قیسقه چه اونگه نازی یوریدی.

انه شو لقبلرگه ایگه بولگن و تورکیه جمهوریتی نی قورگن  " مصطفی کمال"  گه آته تورک؛  اوغانستان دولتی نی قورگن "احمد شاه درانی" گه احمد شاه بابا ؛ ملتی نی ظلم و استبداددن قوتقزگن رحمتلی "عبدالعلی مزاری" گه  بابا مزاری؛  وطنی اوچون اوریشگن " احمدشاه مسعود گه  "قهرمان ملی" ؛ ملتی نی غریب لیک دن، خارلیک دن و حقارت دن نجات بیرگن "جنرال دوستم" گه  " پدر معنوی"،  "معنوی آته"، "قهرمان افغانستان"، "خالد بن ولد" لقبلری بیریلگن دور.

انه ایندی سوراغلریم بو ییردن باشله یدی.

بوکونکی ینگی اوغوللر و ینگی آته لر قه یسی دلیل بیلن بیر بیراولریگه آته صفتی ویا اوغول بیره دیلر؟

بو عاق بولگن و آته سیز قالگن اوغوللر قه یسی صلاحیت بیلن اوزگه لرنی قهرمان ملتیمیزنی آته سی تنله یدیلر؟

بولر ملت نی تمانیدن قوویلگن، ملت نی کلته گی نی ییب کینگاشگه کیره آلمه گن، ناکام و ناخلف اولادلر قه یسی صلاحیت بیلن میلیونلب  ملتیمیز نی آتیگه معامله قیله دی؟

ویا بولرنی تمانیدن آته لقبی نی آلگن کیشی بو لقبگه مناسب می؟

ویا بو کیشی یوقاریده کی صفتلرگه ایگه می؟

 سوز بیزدن قضاوت سیز لردن!

عزت الله ذکی دهقان اوغلی