اولوغ تورکستان
*اولوغ تورکستان قنده ی بؤلیندی؟*
اسلام تاریخی منبع لری میلادی ۷۵۱ ییلده قارا خان لیک ویا خاقانیه دولتی خاقان لری دن تورکستان خانی دییب بحث قیله دی. اوشبو حقده اینگ اساسی منبع لر تاریخی یمینی، تاریخ گردیزی و تاریخ بیهقی دیر.
یینه میلادی ۱۵ نچی عصر ده ماوراءالنهر و اطرافی تورکستان جغرافیا سی و باب حدود الاتراک (تورک چیگره سی ایشیگی) شکلیده ذکر بوله دی. بو حقده نظام الدین شامی ظفرنامه سی، شراف الدین علی یزدی ظفرنامه سی و حافظ ابرو جامع التواریخی کوپینچه معلومات بیرماقده دیر.
اون سیکیزینچی میلادی عصرده هندوستان ده بابر لی دولتی تونتریلگن دن ک انگلیس لر اوشبو جغرافیا گه حاکم بولگن. عینی پیت لرده اولوغ تورکستان نینگ غربی ۱۸۶۸ ییلدی روس چارلیغی تمانیدن اشغال بولگن، شرقی تورکستان خیتای (چین) باسقی سی ده قالگن و جنوبی تورکستان افغانستان خریطه سی گه قوشیلگن. اوشبو موضوع ده بارتولد نینگ تورکستان نامه سی ویا تورکستان تاریخی، سراج الاخبار کبی سونگی افغانستان منبع لری ده انیق معلومات لر باردیر.
افغانستان مکتب درس کتابلری جنوبی تورکستان دن تورکستان ایالتی دییب یاد ایتیلگن. بلخ، سمنگان، سرپل ، جوزجان و فاریاب تورکستان نینگ شمالی ، بدخشان ، تخارستان ، قندز و بغلان تورکستان نی شمال شرقی و قطغن دییب اتنگن.
جنوبی تورکستان افغانستان خریطه سی گه باغلنگن دن کیین خان لیق لر گه ایریلگن. اوشبو خان لیق لر قندز خانلیغی، تاشقرغان خانلیغی و میمنه خانلیغی (مینگ باشی) لر بولیب اوتکن.
ییگیرمینچی (۲۰) عصر ده ایسه تورکستان و تورکستان خان لیق لرنینگ اورنی نی صفحات شمال آلگن و تورکستان آتی رسمی منبع لر دن چیقاریلگن.
پوهنوال دکتور عزت الله ذکی دهقان اوغلی
تورکیه- بوردور عالی بیلیم یورتی اسلام تاریخی و صنعت لری تحقیقاتچی سی.
Yorumlar
Yorum Gönder